Finalistja e edicionit të tretë të Big Brother VIP Kosova, Sara Kolami, ka dhënë një intervistë së fundmi ku ka rrëfyer për të gjitha.
Në emisionin “SOL” në Klan Kosova mes tjerash ka treguar edhe raportin me fituesin e BBVK 3, Drilon Ramën.
Bukuroshja shqiptare theksoi se edhe pas daljes së shtëpisë kanë një raport të mirë, por nuk ka dhënë më shumë detaje për një lidhje dashurie.
“Kemi një marrëdhënie shumë e mirë siç është shumë e dukshme. Nuk jemi të rrethuar më me toksitet, kemi një marrëdhënie shumë të mirë është një person që shumë e respektojë”, u shpreh ajo.
Tutje ish-konkurrentja tha: “Jemi më të çiltër jashtë shtëpisë, pasi aty ruhesh brenda për 24 orë, por jashtë jemi më të çiltër”.
Sara dhe Driloni janë parë bashkë pas përfundimit të këtij spektakli si në Tiranë ashtu edhe në Prishtinë.
Megjithatë, duket se tani për tani janë vetëm miq të mirë. /Telegrafi/
