Sane te Bayern Munich për shumë rekord, klubi bavarez mohon gjithçka

Leroy Sane duket gjithmonë e më afër Bayern Munich, por është klubi bavarez që e ka mohuar transferimin e gjermanit të ri.

Ka qenë Kicker që ka shkruar se Leroy Sane së shpejti vihet nën urdhrat e Niko Kovacit.

Klubi bavarez do të shpenzojë më shumë se 100 milionë euro për 23-vjeçarin.

Kontrata e Sane me kampionët në fuqi të Bundesligës do të jetë 4 ose 5 vjeçare, thuhet në shkrimin e publikuar nga mediumi gjerman.

Por ka qenë klubi i Bayern Munich që me një postim në ‘Twitter’ e ka mohuar  lajmin.

“Lajmet e publikuara sot ku thuhet se Leroy Sane ka vendosur të bashkohet me FC Bayern nuk korrespondojnë me faktet”, thuhet në njoftim.

Kalimi i Sane te Bayern Munich me këto shifra do të bënte lojtarin më të shtrenjtë në histori të klubit. /Telegrafi/