Samiti SEECP mundësi e mirë për të ritheksuar kontributin e Kosovës për paqe dhe stabilitet, presidentja Osmani falënderon kryeministrin grek

Në Selanik të Greqisë po mbahet Samiti i Procesit të Bashkëpunimit të Evropës Juglindore (SEECP), ndërsa me këtë rast presidentja e vendit, Vjosa Osmani tha se samiti ishte një mundësi e mirë për të treguar kontributin e Kosovës për paqen dhe stabilitetin në rajon.

Osmani në një postim në Twitter falënderoi kryeministrin grek Mitsotakis për mikpritjen, ndërsa njoftoi edhe për takimin me presidentin e Sllovenisë, Borut Pahor.

“Samiti i SEECP-së ishte një mundësi për të ritheksuar kontributin e Kosovës për paqen dhe stabilitetin në rajon, si dhe përpjekjet dhe reformat tona të pandërprera që na sjellin më pranë rrugës euroatlantike. Faleminderit kryeministrit Mitsotakis për mikpritjen dhe urime Greqisë për një udhëheqje të suksesshme”, shkruan Osmani.

Presidentja Osmani në një postim tjetër në Twitter njoftoi edhe për takimin me presidentin slloven, Borut Pahor.

“Kënaqësi të takohem me presidentin BorutPahor në SEECP në Selanik për të ritheksuar marrëdhëniet tona të shkëlqyera dypalëshe dhe për ta falënderuar për mbështetjen në rrugën tonë euroatlantike”, shkruan Osmani. /Telegrafi/

The SEECP summit was an opportunity to reiterate ??’s contribution to peace & stability in the region as well as our unrelenting efforts and reforms that bring us closer to the Euro-Atlantic path. Thanks to PM Mitsotakis for the hospitality and congrats to ?? for a successful CiO pic.twitter.com/zCKahMLqRy

— Vjosa Osmani (@VjosaOsmaniPRKS) June 11, 2022

A pleasure to meet with President @BorutPahor at SEECP in Thessaloniki to reiterate our excellent bilateral relations and thank him for the support in our Euro-Atlantic path. ?? ?? pic.twitter.com/RTdBjhHfKj

— Vjosa Osmani (@VjosaOsmaniPRKS) June 11, 2022