Sacchi e ka të qartë: Dy skuadra do të luftojnë për titullin e Serisë A

Ish-trajneri legjendar i Milanit, Arrigo Sacchi, pret që gara për titull në Serie A të vendoset mes Interit dhe Juventusit.

Sacchi në një intervistë për Gazzetta dello Sport ka sugjeruar se fakti që Juventusi nuk luan futboll evropian mund të rezultojë një avantazh për Bianconerët.

Kjo fundjavë në dukje ka qartësuar gjërat në krye të tabelës së Serisë A.

AC Milan dhe Napoli nuk janë ende jashtë garës për titull. Larg kësaj, ka ende muaj për të rikuperuar pikët e humbura dhe për t’u ngjitur në tabelë. Por pikët e humbura nga të dyja skuadrat do të jenë sigurisht të mirëpritura për dy skuadrat në krye.

Lexo po ashtu Marotta insiston se Juventusi është favorit për ta fituar Serie A-në

“Është ende herët të thuhet se gara e Scudettos është një duel mes Interit dhe Juventusit, por ka disa të dhëna që tregojnë në këtë drejtim.”

“Ndeshjet vendimtare priren të jenë në mars dhe prill, atëherë mund të fillojnë të marrin energji”.

“Por Nerazzurrët dhe Bianconerët, deri më tani, kanë demonstruar qëndrueshmëri që i vendos ata përpara skuadrave të tjera”, ka thënë Sacchi.

Lexo po ashtu Allegri mesazh Interit për ndeshjen e ardhshme: Mund të ndodh gjithçka

Momentalisht lider në tabelë është Interi me 31 pikë të grumbulluara dhe menjëherë pas tyre renditet Juventusi që ka 29 sosh.

Dhe pikërisht pas pushimit me kombëtare këto dy skuadra do të ballafaqohen në një duel direkt për vendin e parë në tabelë, me ndeshjen që do të zhvillohet të shtunën e 26 nëntorit me Juventusin si nikoqir./Telegrafi/