Sabri Fejzullahu emocionon me urimin për Ermalin në ditëlindjen e tij të 36-të: Si fëmijë ke qenë sherr i madh, tani je ylli jonë

Sot, këngëtari i njohur Ermal Fejzullahu feston ditëlindjen e tij të 36-të dhe është një rast i veçantë për të ndarë momente të gëzueshme me miqtë, familjen dhe adhuruesit e tij. Në këtë ditë të veçantë, një urim i ngrohtë ka ardhur nga babai i tij, artisti i mirënjohur Sabri Fejzullahu.

Në një postim emocionues në Instagram, Sabriu ka ndarë një foto të Ermalit, duke e përshkruar atë si një yll që ndriçon kur këndon.

“Si fëmijë ke qenë: Ermal o sherr i madh, tani je: Ermal o ylli jonë që bën dritë kur këndon. Urime bota e babit”, ka shkruar Sabriu, duke shoqëruar urimin me një kolazh prej dy fotove të Ermalit—një nga fëmijëria dhe një tjetër nga vitet e fundit.

Në shumë intervista, Ermali ka theksuar se sukseset e tij janë një reflektim i motivimit dhe frymëzimit që ka marrë nga babai i tij, i cili është një legjendë e muzikës shqipe.

Kjo mbështetje dhe dashuri e fortë familjare ka qenë një faktor kyç në ndihmën e Ermali për të arritur majat e suksesit në karrierën e tij muzikore.

Urimet e ngrohta të ditëlindjes nga Sabri Fejzullahu janë një dëshmi e lidhjes të fortë dhe të dashur që ekziston mes dy brezave të muzikës shqipe. /Telegrafi/