Ndonëse pandemia e COVID-19 e ka ndryshuar botën në shumë aspekte, mbeten ende disa gjëra ku njerëzit mund të mbështeten.
Sipas CNN, përcjell Telegrafi, njëra ndër to mund të jetë si shitja e shtëpive të braktisura italiane me çmime të volitshëm, në një përpjekje për të ndryshuar ‘trendin’ e shpopullimit.
Qyteti piktoresk i Salem në Sicili është njëra prej zonave që po ofron prona në shitje për më pak se kostoja e një kafe “espresso”.
Gjatë muajit të ardhshëm disa banesa të shkatërruara do të dalin në ankand me një çmim fillestar prej 1 euro ose pak më shumë një dollar.
Kryetari i bashkisë, Domenico Venuti, shpreson që skema do t’i japë një ‘jetë të re’ qytetit të Salemit, i cili u përball me tkurrje të popullsisë, kur të paktën 4,000 banorë u larguan pas tërmetit të tmerrshëm në vitin 1968 që tronditi Luginën Belice të Sicilisë.
“Të gjitha ndërtesat i përkasin këshillit të qytetit, i cili përshpejton shitjen dhe zvogëlon burokracinë”, tha ai për CNN.
“Para publikimit të skemës ne së pari rikuperuam pjesët e vjetra të qytetit, ku ndodhen shtëpitë, duke rregulluar infrastrukturën dhe shërbimet nga rrugët në rrjetet elektrike si dhe tubat e ujërave të zeza”, theksoi Venuti. /Telegrafi/
