Rukiqi: Gjendja e bizneseve është stabile për të ruajtur vendet e punës

Kryetari i Odës Ekonomike të Kosovës (OEK), Berat Rukiqi në një intervistë për Telegrafin ka thënë se, gjendja aktuale e bizneseve është e mjaftueshme për të ruajtur vendet e punës.

Rukiqi thotë se që nga fundi i vitit të kaluar ka një stabilizim të bizneseve, për sa i përket qarkullimit financiar.

“Që nga dhjetori i vitit të kaluar kemi një stabilizim për sa i përket qarkullimit të bizneseve, ku ka qenë për shkak të qarkullimit të muajit dhjetor 2020 e tutje, po flas deri në fund të muajit gusht. Gjendja e bizneseve ka qenë e mjaftueshme për të ruajtur vendet e punës dhe për të menduar që t’i përfundojnë disa investime që i kanë filluar para pandemisë. Kjo ka ardhur si pasojë e rritjes së konfidencës së konsumatorëve”, tha Rukiqi.

Sipas tij, bizneset kanë rikthyer besueshmërinë te bankat komerciale.

“Që nga dhjetori i vitit të kaluar kemi një stabilizim për sa i përket qarkullimit të bizneseve, ku ka qenë për shkak të qarkullimit të muajit dhjetor 2020 e tutje, po flas deri në fund të muajit gusht. Gjendja e bizneseve ka qenë e mjaftueshme për të ruajtur vendet e punës dhe për të menduar që t’i përfundojnë disa investime që i kanë filluar para pandemisë. Kjo ka ardhur si pasojë e rritjes së konfidencës së konsumatorëve”, shtoi ai.

Lexo po ashtu Rukiqi: Kosova qëndron keq me imazhin e investimeve, Qeveria duhet të ofrojë përkrahje për rritjen e potencialit të eksporteve

I pari i OEK-ut, tregon se Kosova qëndron keq për sa i përket imazhit të investimeve, por sipas tij, eksportet kanë shënuar rritje.

“Te eksportet jemi shumë më mirë edhe perspektiva për të qenë edhe më e ndritshme. Normalisht që duhet përkrahje dhe lehtësime nga Qeveria për ta maksimizuar potencialin, por te investimet jemi keq. Kemi diskutuar edhe me kompani të huaja, e me partnerë ndërkombëtar që imazhi është një ndër çështjet ku Kosova ka problem. Nëse i shikojmë të gjithë indikatorët si korrupsioni, liria e shprehjes, sundimi i ligjit dhe disa faktorë që ndikojnë në investime, nuk jemi më keq se sa vendet e rajonit, por ne kemi keq çështjen e imazhit”, tregon Rukiqi.

Ai shprehet se një kompani shtetërore nga ky vend ka shprehur interesin që të hap një akademi për siguri kibernetike në Kosovë.

Lexo po ashtu Rukiqi: Kompani nga Izraeli të interesuara për të investuar në Kosovë

“Ka pasur edhe një kompani shtetërore të Izraelit, e cila e ka edhe aspektin e sigurisë kibernetike, ku e ka një interes që ta hap një akademi për siguri në Kosovë dhe të krijoj kuadro që të punojnë për kompanitë botërore dhe të Izraelit”, tregon Rukiqi.

Në këtë intervistë, Rukiqi ka folur edhe për Marrëveshjen e Washingtonit dhe për gjendjen ekonomisë pas vendosjes së masave për parandalimin e pandemisë COVID-19 nga Qeveria e Kosovës. /Telegrafi/