Rrugëtimi i Bardhit në La Liga nëpërmjet golave (Video)

Atje ku vendos sytë, e gjuan topin.

Po flasim për Enis Bardhin, i cili tashmë ka shënuar tre gola në katër ndeshje në La Liga.

E bukura është se dy kanë ardhur nga gjuajta e lirë, duke bërë që kështu tifozët ta quajnë ‘Juninho i ri’.

Fatkeqësisht mesfushori luan për Përfaqësuesen e Maqedonisë, pasi ajo e Shqipërisë e kishte injoruar duke mos i kthyer përgjigjje.

22-vjeçari është lindur në Shkup nga prindër shqiptar, ndërsa karrierën e filli te klubi hungarez, Ujpest.

Roli i tij në Kampionatin Evropian U-21 bëri që Levante të sigurojë shërbimet e tij, duke u bërë kështu një nga më të mirë në La Liga dhe për këtë ka folur edhe lojtari:

“Është një armë e mirë nga ana ime, nëse kam një gjuajte të lirë do provoj të ndihmojë skuadrën dhe të shënojë”.

“Stërvitëm që kur isha i ri, gjatë gjithë kohës fokusohem te topi dhe mundohem të mashtroj portierin”.

“Ai gjuan bukur si në stërvitje ashtu edhe në ndeshje, nuk më befason që bën gola të atillë”, ka thënë trajneri Juan Ramon Lopez Muniz.

Vlen të theksohet se Bardhi ka kontratë që e lidh me Levantën deri në vitin 2020, por që mund të vazhdohet edhe për dy tjera. Klauzola e tij aktualisht është 25 milionë euro. /Telegrafi/

Goli i Bardhit (1-2) në takimin Levante 2-2 Deportivo

Goli i Bardhit (1-1) në takimin Levante 1-1 Valencia

https://www.youtube.com/watch?v=-kXRi8IQAxg

Goli Bardhit (3-0) në takimin Levante 3-0 Real Sociedad

https://www.youtube.com/watch?v=iUhDq1TCawg