Rreth 180 mijë njerëz në SHBA dhe 110 mijë të tjerë në mbarë botën të abonuar në Twitter Blue

Duket se në Twitter-më pak se 0.2 për qind të përdoruesve të Twitter paguajnë për abonime në platformë.

Rreth 180 mijë njerëz në SHBA dhe 110 mijë të tjerë në mbarë botën ishin abonuar në Twitter Blue deri në mes të janarit, sipas shifrave të marra nga The Information.

Do të thotë, platforma e mediave sociale mund të ketë të ardhura vjetore të abonimit prej vetëm rreth 28 milionë dollarë, transmeton Telegrafi.

Musk prezantoi shërbimin e përditësuar të platformës Twitter Blue në dhjetor, duke kushtuar 8 dollarë në muaj për përdoruesit e uebit dhe 11 dollarë në muaj për përdoruesit e Android dhe iOS.

Vetëm këtë javë, Twitter tha se po i ngarkonte bizneset me 1,000 dollarë në muaj për të mbajtur shenjat e tyre të arta.

Lexo po ashtu Twitter do t'i lejojë bizneset të mbajnë shenjat e tyre të arta të verifikimit me pagesë prej për 1,000 dollarë në muaj

Tarifat për platformën e mëparshme falas kishin për qëllim të frenonin humbjen prej 4 milionë dollarësh në ditë, duke e detyruar miliarderin të kërkonte rrjedha të reja të ardhurash.

Për të mbuluar humbjet operative të deklaruara nga Musk, Twitter do të kishte nevojë për rreth 15 milionë përdorues të paguar në muaj. Megjithatë, shifrat e fundit sugjerojnë se ato janë më pak se 2 për qind drejt arritjes së kësaj. /Telegrafi/