Familja më e madhe britanike, Radfords ka zbuluar se faturat e artikujve të ndryshëm ushqimor janë dyfishuar gjatë pandemisë së COVID-19, kjo për shkak se 22 fëmijët e tyre “vazhdimisht po hanë”.
22 fëmijët janë shfaqur në një dokumentar të Channel 5, ku tregon se si zhvillohet jeta në këtë familje nga Lancashire, që sikurse shumica e njerëzve në botë janë detyruar shumicën e kohës ta kalojnë mbyllur në shtëpi për shkak të pandemisë COVID-19, transmeton Telegrafi.
Prindërit Sue, 45-vjeçe dhe Noel, 50 kanë 22 fëmijë, ku më i vogli ka lindur në prill të vitit të kaluar.
Mesatarisht ata konsumonin në ditë 16 litra qumësht, tetë bukë dhe përdornin 24 pako të letrës së tualetit, tri pasta dhëmbësh dhe 80 jogurtë të frutave brenda shtatë ditëve.
Por sipas çifti britanik faturat e tyre janë dyfishuar gjatë pandemisë së COVID-19. Ata kanë pranuar se viti i kaluar ka qenë shumë sfidues për ata.
Dyshja kanë zbuluar edhe identitetin dhe moshën e fëmijëve, Chloe, 25-vjeçe, Jack, 23, Daniel, 21, Luke, 20, Millie, 19, Katie, 18, James, 17, Ellie, 15, Aimee, 14, Josh, 13, Max, 12, Tillie, 10, Oscar, 9, Casper, 8, Hallie, 5, Phoebe, 4, Archie, 3, Bonnie, 2, dhe Heidie 10-muajshe.
E dy fëmijët e tyre më të rritur Chris, 31-vjeç dhe Sophie, 27, tashmë kanë dalë nga shtëpia dhe jetojnë vetëm jo shumë larg lagjes ku janë rritur.
Një javë izolim u ka kushtuar atyre hiq më pak se 400 funte, e sfidë më e madhe ka qenë fakti që është dashur t’ua plotësojë dëshirat të gjithëve – duke marrë parasysh se nuk ishin në shkolla dhe kopshte dhe ditën e kalonin të mbyllur. /Telegrafi/
