Rrëfimi i ‘Del Boy’ për turpin më të madh në jetën e tij – pjesëmarrja pa e ditur në një film për të rritur

Aktori i dashur, David Jason, është rikthyer në vëmendjen e publikut, kur u shfaq në një eveniment pasi kaloi pjesën më të madhe të pandemisë në vetizolim sepse i përket grupit të rrezikut.

Me këtë rast është përmendur sërish autobiografia, të cilën ylli i “Only Fools and Horses” e kishte shkruar në vitin 2013. Aty kishte pranuar për herë të parë se “turpi i tij më i madh” ishte që ai mori pjesë në xhirimet e një filmi për të rritur.

“Seksi shet produktet, thanë ata, por kjo nuk ndodhi këtu”, e kishte filluar paragrafin Jason për atë që e quante “rolin e parë të madh”.

Aktori ka rrëfyer se iu ofrua një skenar që e pranoi me ngurrim, sepse ishte në fillim të karrierës dhe se vuri re që filmi nuk kishte një buxhet të madh, por që në atë kohë për të nuk kishte shumë rëndësi kjo.

“Unë luaja me Imogen Hasal, një aktore e njohur si Kontesha e Decollete, por ajo ishte më e zgjuar se ai reputacion. Xhirimet shkuan nga e keqja në të keqe, dhe pika kritike erdhi javën e fundit kur unë dhe Imogen ishim të nevojshëm në një skenë, ku duhej të ecnim nëpër korridor së bashku”, shpjegon aktori.

Ai tha se skenari kërkonte që të “humbte” pantallonat për ndonjë arsye dhe të ishte me pantallona të shkurtra.

“Ne e mbaruam shëtitjen dhe pastaj dëgjova regjisorin të thoshte: ‘Le ta bëjmë përsëri me një kast tjetër’. Mendova, ‘një kast tjetër?’, ka kujtuar Jason.

Pastaj tetë vajza u shfaqën me bikini të vogla, të gjitha të lidhura në kyçet e tyre me një litar të vetëm në fund të së cilit ndodhej një burrë i madh.

Në atë moment, ai zbuloi se për çfarë zhanri ishte fjala dhe se skenat nuk ishin qartë në skenar, në mënyrë që regjisori t’i “lëvizte” ato në film.

“Imogen dhe unë shprehëm atë që mendonim në atë kohë, por ishim të lidhur me një kontratë dhe përfunduam një pjesë të mirë të filmit, kështu që qëndruam. Lexues, ky film është i tmerrshëm”, thotë legjendari ‘Del Boy’, duke deklaruar se ishte “turpi i tij më i madh”.

“E shkëlqyeshme, roli im i parë i madh ishte në një film ‘të butë’ pornografik. Më keq, madje as nuk e dija që po merrja pjesë në të. Dhe më e keqja, as nuk kam marrë pjesë siç duhet”, ka rrëfyer David Jason në autobiografinë e tij. /Telegrafi/