Rooney: Firmino e bën sulmin e Liverpoolit më të mirin në botë

Lojtari dhe trajneri i Derby County dhe legjenda e Manchester Unitedit, Wayne Rooney, e ka pranuar se është një tifoz i sulmit të rivalëve të urryer të Liverpoolit.

Mohamed Salah ka shënuar 20 herë për sezonin e tretë radhazi ndërsa 18 golat nga Sadio Mane e kanë parë atë në mesin e favoritëve për çmime individuale këtë sezon.

Por, Rooney ka treguar kontributin e Roberto Firminos si integral në triumviratin e sulmit të Liverpoolit duke qenë i pakrahasueshëm për momentin.

Lexo po ashtu Njëzet sulmuesit më të mirë në pesë ligat kryesore të Evropës këtë sezon bazuar në statistika

“Shënimi shpesh varet nga lojtarët që punojnë së bashku dhe tre sulmuesit e Liverpoolit janë shembulli i përsosur”, ka thënë fillimisht Rooney për Sunday Times.

“Salah dhe Mane sigurojnë thellësinë duke i shtyrë skuadrat që të lejojnë që Firmino të hyjë në thellësi për topin, qendërmbrojtësit kundërshtar pushojnë dhe papritmas dy të tjerët bëjnë drejtime diagonale me një ritëm të pabesueshëm për të sulmuar hapësirën”.

Lexo po ashtu Dhjetë dribluesit më të mirë në botë që nga sezoni 2006/07 - Messi larg më i miri, Ronaldo i pesti dhe Neymar i dhjeti

“Më kujton se si Roma luante me Francesco Tottin si numër 10 dhe dy vrapues të shpejtë që sulmonin zonën nga krahët”.

“Më dhemb ta pranoj, por treshja e Liverpoolit janë grupi më i mirë sulmues në futbollin botëror për momentin”, përfundoi anglezi. /Telegrafi/