Ronaldo shpërthen në lot kur i tregohet një video e babait të ndjerë duke folur me krenari për të

Cristiano Ronaldo nuk i ka mbajtur lotët pasi i është treguar një xhirim i babait të tij të ndjerë, në të cilin ai shprehte krenarinë për arritjet e djalit të tij.

Gjatë pjesëmarrjes në emisionin e Piers Morgan, futbollistit portugez i është lëshuar një video, në të cilat babai i tij, Jose Dinis Aveiro, fliste para fillimit të Kampionatit Evropian të vitit 2004 që u zhvillua në Portugali.

Babai i tij, një ish-ushtar dhe i varur nga alkooli, vdiq nga pamjaftueshmëria e mëlçisë në moshën 52 vjeçare duke mos i përjetuar sukseset më të mëdha të Ronaldos dhe lindjen e fëmijëve të tij.

“Nuk e kam parë asnjëherë videon. Nuk e kam parë kurrë këtë video. E pabesueshme”, ka thënë 34-vjeçari i përlotur.

Lexo po ashtu Të gjitha lajmet nga Cristiano Ronaldo

I pyetur se si ndihej kur e dëgjonte babanë e tij duke u shprehur krenar për arritjet e djalit, ylli i Juventusit: “Kam pritur që intervista të ishte argëtuese, por nuk kam pritur të qaj. Mirëpo, asnjëherë nuk i kam parë këto pamje. Nuk e di ku i keni marrë… Më duhet t’ia tregoj familjes sime këto pamje”.

“Vërtet nuk e njoh babanë tim qind për qind. Ai ishte një person i dehur. Asnjëherë nuk kam biseduar me të, të zhvilloja një bisede normale. Ishte vështirë”.

https://www.instagram.com/p/B2cSnE-g0d8/

Ronaldo ishte vetëm 20 vjeçar kur babai i tij ndërroi jetë që do të thotë se Aveiro nuk i ka përjetuar momentet më të mëdha në karrierën e të birit, duke përfshirë pesë titujt të Ligës së Kampionëve, pesë Topa të Artë, ‘Euro 2016’ dhe shumë trofe shtetërorë, si edhe ardhjen në jetë të katër fëmijëve të tij. /Telegrafi/

https://twitter.com/GMB/status/1173466139302813698