Ronaldo nuk është shpallur golashënuesi më i mirë në ligë që nga viti 2015

Nganjëherë është e lehtë që ta gjykosh Cristiano Ronaldon me qëllimet që i cakton vetes.

Në fakt, ylli portugez është njëri ndër lojtarët më të mirë në histori të futbollit, gjersa në moshën 34-vjeçare ai po arrin të bëjë gjëra të mëdha, sidomos në sezonin e tij të parë te Juventusi.

Sulmuesi ka arritur të bëhet lojtari i vetëm në histori të futbollit që arrin të fitojë titullin e ligës si në, Angli, Spanjë dhe Itali, por duke fituar edhe titullin lojtarit të sezonit në tri ligat.

Por, portugezi nuk ka arritur që nga sezoni 2014/2015 që të shpallet golashënuesi më i mirë në ligë, gjersa në sezonin që lamë pas përfundoi në pozitën e katërt në Serie A.

Cristiano Ronaldo ishte mposhtur nga Luis Suarezi në sezonin 2015/16 për Këpucën e Artë në La Liga, pasi uruguaiani kishte shënuar 40 gola, ndërsa ai kishte shënuar 35.

Në sezonin 2016/17 dhe 2017/18, Leo Messi kishte arritur ta mposht portugezin me 35 gola, respektivisht 37 gola të shënuar, ndërsa Ronaldo kishte arritur vetëm dy herë nga 25 gola.

Lexo po ashtu WhoScored e lë Messin jashtë formacionit me lojtarët me statistika më të mira, Ronaldo është aty

Në sezonin që lamë pas, pesë herë fituesi i Topit të Artë u mposht nga Fabio Quagliarella (26), ndërsa ish-ylli i Real Madridit ka shënuar 21 gola. /Telegrafi/