Rona Nishliu bëhet nënë për herë të parë

Këngëtarja e njohur shqiptare, Rona Nishliu, është bërë nënë për herë të parë.

Ajo dhe partneri i saj, Flori, mirëpritën vajzën, të cilën e kanë pagëzuar me emrin, Noa.

Kjo u bë e ditur nga vet këngëtarja përmes një postimi të publikuar në llogarinë e saj personale, Instagram.

https://www.instagram.com/p/B0VObncFKjw/

“Ndjenja më përmbushëse dhe më kuptimplotë deri më sot! Më 19.07.2019, në duart tona erdhi Noa. Gjithë këto ditë nuk po gjej fjalët e duhura që të shpreh gëzimin tim për bekimin më të rëndësishëm në jetë. Për shërbimin plot përkushtim, dashuri dhe njerëzor, dua të falenderoj @spitaliamerikanprishtine dhe në veçanti Dr. @goksugoc , i cili bashkë me ekipin e tij kanë bërë gjithçka që unë dhe Noa t’ia dalim. Ju falenderoj të gjithëve për urimet, kujdesin dhe dashurinë”, ka shkruar Rona në postimin e ndarë me mijëra ndjekësit e saj.

Lexo po ashtu Rona Nishliu shtatzënë, e mbajti pritjen e ëmbël jashtë syrit të publikut

Theksojmë që këngëtarja Nishliu e mbajti të fshehur shtatzëninë, teksa pas tetë muajve ka rrëfyer se është shtatzënë para promovimit të albumit të saj “Mindili”.

Përndryshe, 32-vjeçarja është martuar në shtator të vitit të kaluar në një ceremoni me miqtë dhe familjarët e saj. /Telegrafi/

https://www.instagram.com/p/ByDPqBYn1RV/