Roma ka shënuar fitore në kuadër të javës së 16-të ndaj Crotones me rezultat 3-1.
Romakët e nisën shumë mirë ndeshje, duke radhitur rastet para portës kundërshtare.
Që në minutën e tetë ishte Borja Mayoral që shënoi për 1-0 pas asistimit të Henrikh Mkhitaryan.
Pas golit të dy skuadrat kishin rastet e tyre, por që u desh të pritej minuta e 29-të që të shënohej goli i dytë.
Ishte Borja Mayoral që shënoi golin e dytë personal për rezultati 2-0.
Roma fitoi penallti në minutën e 34-të të ndeshjes, pas një pengimi në zonë.
Nga pika e bardhë ishte i saktë Mkhitaryan për 3-0, që ishte edhe rezultati i pjesës së parë.
Pjesa e dytë nisi më qetë, pasi kryeqytetasit kishin rezultatin dhe e menaxhonin atë.
Goli i vetëm i Crotones erdhi në minutën e 71-të, kur Vladimir Golemic shënoi me kokë.
Deri në fund nuk kishte më gola dhe Roma festoi fitoren e dhjetë këtë sezon dhe me 33 pikë mban vendin e tretë në renditje. /Telegrafi/
