Roma interesohet për Sanchezin, Unitedi i gatshëm ta dëgjojë ofertën për kilianin

Roma ka hapur bisedimet me Manchester Unitedin për transferimin e Alexis Sanchezit në formë huazimi për sezonin e ri.

Ole Gunnar Solskjaer ka dhënë sinjale se Anthony Martial do të jetë sulmuesi i tyre kryesor për sezonin 2019/20, duke i dhënë numrin nëntë në fanellë, numër ky që i takonte Romelu Lukakut, që kaloi pak ditë më parë te Interi.

Trajneri norvegjez ka thënë se ai ka besim që sulmuesi francez do të shënojë më shumë gola në sezonin e ri, derisa kjo lë hapësirë që kiliani të largohet nga Old Trafford.

Giallorossët po mbajnë një vëzhgim nga afër të Sanchezit, derisa afati kalimtar në Itali mbyllet më 2 shtator.

Lexo po ashtu Unitedi po mendon për shfuqizimin e kontratës së Alexis

Roma po tenton që ta transferojë kilianin që duket se është jashtë planeve të Solskjaer për sezonin e ri.

Trajneri i Unitedit kishte thënë muaj më parë se pret që 29-vjeçari të qëndrojë në Old Trafford, por siç duket gjërat kanë ndryshuar dhe nëse skuadra italiane ofron një shumë mbi 45 milionë euro, atëherë mund të arrihet një marrëveshje. /Telegrafi/