Rita Ora fotografohet nga paparacët te floktari në Australi me folje alumini mbi kokë, duke bërë ndryshimin e radhës në flokët e saj

Rita Ora duket se ka pësuar një transformim dramatik në pamje, pasi u fotografua me flokët mbuluar me folie në një sallon bukurie në Bondi, Australi.

Këngëtarja e hitit Hot Right Now, 34 vjeç, ka eksperimentuar me stile të ndryshme flokësh që kur u bë e famshme mbi një dekadë më parë, por kohët e fundit ka qenë brune.

Para takimit në sallon, ajo kishte flokët kaçurrela të kapura mbrapa, teksa u fotografua duke hyrë në sallonin Koda Cutters në New South Wales, shrkuan DailyMail.

Nga një vëzhgim më i afërt, dukej se flokët e saj po i riktheheshin ngjyrës bionde nën foliet, por ende nuk ka zbuluar pamjen e saj të re.

Koda Cutters njihet si një nga sallonet më të mira të zonës, duke u krenuar me një shërbim të personalizuar për çdo klient.

Vizita e Ritës në sallon vjen pas një interviste të rrallë ku ajo ndau detaje mbi martesën me regjisorin e njohur Taika Waititi, 49 vjeç.

Në një bisedë për revistën Hunger, ajo tha: “Unë dhe Taika jemi thjesht shokët më të mirë dhe thjesht dëshironim ta jetonim këtë ndjenjë përgjithmonë.”

Duke reflektuar mbi të kaluarën e saj në marrëdhënie, Rita pranoi se duhej të gjente paqe me veten përpara se të gjente dashurinë e vërtetë.

Ajo dhe regjisori nisën të takoheshin në vitin 2021, por kishin qenë miq për vite me radhë. Një vit më vonë, çifti kurorëzoi dashurinë me martesë dhe tani jetojnë në Los Angeles.

Rita shtoi: “Jeta ime romantike ka qenë shumëngjyrëshe, për të mos thënë më shumë. Por sa bukur është fakti që ne mund të bëjmë zgjedhjet tona?”

Ajo gjithashtu reflektoi mbi të njëzetat e saj: “Isha gjithmonë e lodhur. Doja të ndihesha më e gjallë dhe të kisha një mendje të kthjellët”.

Duke folur për marrëdhëniet në përgjithësi, këngëtarja theksoi: “Ajo që më bën të ndiej neveri është kur njerëzit varen plotësisht nga dikush tjetër për të ndjerë lumturi. Kjo është një katastrofë. Gjithmonë do të jesh i pakënaqur – unë kam qenë ajo person.”

Rita Ora pranoi se bashkëshorti i saj, Taika Waititi, ka pasur një ndikim të madh në albumin e saj më të fundit, You & I.

“Më dukej e nevojshme të isha një libër i hapur,” shpjegoi ajo. “Doja që njerëzit të kuptonin se ku jam në këtë fazë të jetës sime – si një ditar.”

Ajo gjithashtu theksoi rëndësinë e sinqeritetit në muzikë: “Gjithçka që mund të bësh është të jesh vetvetja dhe të shpresosh që dikush tjetër do të lidhet me të.”

Albumi You & I u publikua në korrik 2023, duke shënuar rikthimin e saj pas pesë vitesh nga albumi Phoenix i vitit 2018. /Telegrafi/