Ylli i muzikës portorikane, Ricky Martin, aktualisht po kalon pushimet në Maltë.
Këngëtari 53-vjeçar nuk e fsheh se sa i magjepsur është me ishullin, duke postuar foto në rrjetet sociale.
“Dielli po shkëlqen, dyshimet po zhduken”, shkroi ai në mbishkrimin e postimit.
Gjatë qëndrimit të tij, Martin vizitoi disa nga vendet më të famshme dhe të bukura malteze.
Ai shijoi po ashtu bregdetin e Ghar Lapsi, pamjen nga shkëmbinjtë e pjerrët, vizitoi Kishën e Shën Marisë Magdalenë dhe nuk humbi një shëtitje nëpër Mdina - një qytet i qetë i njohur për fasadat e tij prej guri të artë dhe atmosferën shekullore.
Vizita e tij në Maltë ishte pjesë e një udhëtimi luksoz me anije si pjesë e Ritz-Carlton Yacht Collection, i cili solli shumë mysafirë të famshëm në ishull, përfshirë Sofia Vergara dhe Kendall Jenner.
Babai i katër fëmijëve, i cili tronditi shumë fansa duke pranuar se ishte homoseksual, u divorcua nga Jwan Yosef në vitin 2023 pas gjashtë vitesh martesë.
Në martesën e tyre, ata patën dy fëmijë me ndihmën e një nëne zëvendësuese - vajzën Lucia, e lindur në vitin 2018, dhe djalin Renno, i cili iu bashkua familjes një vit më vonë.
Ricky tashmë ka binjakë, djemtë 15-vjeçarë Matteo dhe Valentino, të cilët gjithashtu i lindën nga një nënë zëvendësuese dhe të cilët ai vazhdoi t'i rriste si prind i vetëm pas divorcit. /Telegrafi/
