Revolucion i thellë te Arsenali: Shtatë lojtarë pritet të largohen nga Emirates

Trajneri i Arsenalit, Mikel Arteta thuhet se dëshiron të bëjë disa përmirësime për një numër pozicionesh këtë verë dhe Edu planifikon ta lehtësojë këtë me shtatë lojtarë që janë në listën e largimeve. Ka qenë një edicion ëndërrues për Topçinjtë deri më tani, pasi ata janë në krye të Ligës Premier me vetëm 10 ndeshje të mbetura.

Manchester City është tetë pikë prapa me një lojë më pak dhe një ndeshje të madhe në krye të tabelës që vjen në fund të prillit. Për Arsenalin, plani afatgjatë i transferimeve për të investuar në lojtarë të rinj të talentuar ka bërë mrekulli deri më tani.

Të tillë si Aaron Ramsdale, Ben White, William Saliba, Martin Odegaard dhe Gabriel Martinelli kanë dëshmuar të gjithë se janë blerje të qëlluara, ndërsa Bukayo Saka e ka vendosur veten si një nga talentët më të mirë të Arsenalit i dalë nga akademia.

Lexo po ashtu Nëse Arsenali fiton titullin e Ligës Premier, një lojtar i tyre mund të mbetet pa medalje

Arsenali e ka përballuar mirë situatën pa Gabriel Jesus në krye të sulmit për disa muaj, por Topçinjtë përndryshe i kanë shpëtuar çdo goditjeje tjetër serioze. Ekipet si Chelsea dhe Liverpool nuk kanë qenë aq me fat dhe pozicioni i tyre në tabelë është pjesërisht për shkak të krizës së lëndimeve që të dy kanë pësuar këtë sezon.

Sipas The Sun, dëshira e Artetës për të forcuar skuadrën e tij është kryesisht për shkak të rikthimit të afërt të Arsenalit në Ligën e Kampionëve vitin e ardhshëm. Dhe raportimi bën të ditur se The Gunners do të kërkojnë të lirojnë fonde duke dëgjuar ofertat për shtatë lojtarë.

Lexo po ashtu Aaron Ramsdale zbulon se babai i tij e kërcënon se do ta telefonojë Mikel Artetan, nëse e vazhdon të luajë me top në zonë

Nënshkrimi rekord i klubit, Nicolas Pepe, nuk është pjesë e planeve të Artetës në Emirates dhe Arsenali dëshiron të largojë anësorin këtë verë. Por, pretendohet se klubi mund t’i duhet të paguajë ‘të paktën një pjesë të nëntë milionë eurove që i detyrohet ende lojtarit nga kontrata e tij’ me mungesë interesi nga klubet e tjera.

Shumica e lojtarëve që aktualisht janë në huazim do të vihen në dispozicion për shitje edhe këtë verë me klubin që shpreson të mbledhë disa fonde duke shitur Ainsley Maitland-Niles, Albert Sambi Lokonga, Nuno Tavares, Pablo Mari, Cedric Soares dhe Alex Runarsson. /Telegrafi/