Artistja e njohur e muzikës pop Taylor Swift, është produkti i mjedisit të saj të sponzoruar. Ajo ka arritur që të shënoj shifra rekorde në shitjen e albumit të saj më të ri “Reputation”, ende të papublikuar.
Mund ta quani si të doni, por reputacioni po formon një tjetër hit masiv për Taylor Swift, shkruan Associated Press, transmeton Telegrafi.
Albumi i gjashtë i shumëpritur i yllit të popit ka shitur tashmë më shumë se 400,000 kopje përpara lëshimit të tij që do të bëhet më datë 10 nëntor.
Kjo shifër përfshin blerjet nga aplikacionet e famshme të internetit si: iTunes, Amazon, Walmart dhe Target, ku njëherësh shënuan rekord shifrën e shitjeve të albumit më të ri të këngëtares.
Këngëtarja para tri viteve kishte fituar çmimin ‘Grammy’ për albumin më të mirë në vitin 2014, gjersa pritet që njëlloj të shpërblehet edhe për albumin e saj më të ri. /Telegrafi/
