Real Madridi synon transferimin e Hazardit me çmim të arsyeshëm

Real Madridi e do yllin e Chelseat, Eden Hazard, por nuk është gati të paguajë shifrën e kërkuar nga klubi londinez.

Hazard është një objektiv i vjetër i klubit mbretëror, ndërsa edhe lojtari disa herë e ka thënë se e ka ëndërr të luaj te Real Madridi.

Gjatë ditëve të fundit është raportuar se klubi londinez tashmë i ka vendosur çmim yllit të tyre pasi nuk po arrijnë marrëveshje për rinovimin e kontratës.

Lexo po ashtu Chelsea kërkon 150 milionë euro për Eden Hazardin

Sipas mediumit francez Le10Sport, drejtuesit e Chelseat e vlerësojnë 150 milionë euro magjistarin belg.

Por, Blutë e Londrës mund të jenë të detyruar të heqin dorë në verë nga çmimi i kërkuar për sulmuesin Hazard.

Në rast se çmimi i Hazard bie në verë atëherë do të ketë një nxitje të madhe për planet e transferimit të Real Madridit.

Lexo po ashtu Hazard largohet nga Chelsea vetëm për Real Madridin

Mbretërit do të ishin gati të paguajnë deri në 100 milionë euro në fund të sezonit, me kontratën e Hazardit që hyn në 12 muajt e fundit.

Hazard nuk ka bërë asnjë sekret të admirimit të tij për Real Madridin gjatë muajve të fundit dhe ka refuzuar disa zgjatje të kontratës nga Chelsea. /Telegrafi/