Real Madridi nuk shqetësohet me hyrjen e Barcelonës në garë për Mbappen

Barcelona thuhet se është shfaqur si kandidat i mundshëm për të nënshkruar me Kylian Mbappe në një transferim të lirë në verë, por Real Madridi nuk shqetësohet se Blaugranët potencialisht mund të rrëmbejnë nënshkrimin e tij.

Klubi mbretëror është i vetëdijshëm se Mbappe është i përkushtuar për t’iu bashkuar Los Blancos, ndërkohë që njerëzit në Real Madrid besojnë se Paris Saint-Germain ka lëshuar vetë këtë informacion për interesimin e supozuar të Barcelonës.

Sipas gazetës Marca, ata mendojnë se artikulli i publikuar nga gazeta franceze L’Equipe është përpjekja e fundit e PSG-së për të parandaluar largimin e Mbappes nga klubi dhe qëndrimin në Paris.

Lexo po ashtu L'Equipe: Barcelona pengon Real Madridin për të nënshkruar me Kylian Mbappen

Barcelona dhe Real Madridi gjithmonë kërkojnë të plotësojnë nevojat e tyre, por të gjithë e kuptojnë se Los Blancos janë skuadra e vetme spanjolle që ka qenë pas Mbappes dhe se çdo lëvizje nga Barça do të shërbente vetëm për të penguar dhe turbulluar një marrëdhënie që duket e rrjedhshme dhe e qetë, pavarësisht fotografisë së Joan Laporta me katër gishta lartë në fushën e Santiago Bernabeut pas fitores 4-0 në El Clasico.

Në rast se Barcelona do të shfaqet vërtet si kërkues i mundshëm të Mbappes, Real Madridi do të dijë detajet e lëvizjes së klubit katalunas dhe sa i përkushtuar është 23-vjeçari për të realizuar ëndrrën e tij për t’u bashkuar me Los Blancos.

View this post on Instagram

A post shared by Telegrafi Sport (@telegrafisport)

Lëvizje e rrezikshme

Drejtuesit e Real Madridit dhe Barcelonës kanë rënë dakord të mos ndërhyjnë as kur rivalët e tyre vendas janë në bisedime me një objektiv të caktuar ose në rast se lojtarëve të dy skuadrave u ka mbetur vetëm një vit kontratë.

Nëse Barcelona e prish këtë marrëveshje dhe shkon për Mbappen, ata do të shkojnë në një rrugë të rrezikshme, veçanërisht pasi nuk kanë rinovuar ende kontratat me Gavin dhe Ronald Araujon, marrëveshjet e të cilëve skadojnë në 2023.

Lexo po ashtu Real Madrid dhe Barcelona nënshkruajnë një marrëveshje për të mos kërkuar lojtarët e njëra-tjetrës që janë nën kontrata

Ndërkohë që të dyja skuadrat kanë shprehur interesim për Erling Haaland, pasi Laporta ka shfrytëzuar marrëdhëniet e mira me Mino Raiolën, por në shumë prej atyre takimeve me agjentin italian është diskutuar për lojtarë të tjerë dhe jo për sulmuesin norvegjez.

Real Madridi konsideron se pjesa më e madhe e terrenit është hedhur dhe numërimi mbrapsht për ardhjen e Mbappen te Los Blancos ka nisur. /Telegrafi/