Real Madridi ka gati ofertën për Alissonin

Real Madrid janë gati të bëjnë një ofertë për portierin e Romës dhe të Kombëtares së Brazilit, Alisson Becker, njoftojnë mediat në Francë.

Portieri brazilian ka bërë shumë përshtypje të mira dhe ka befasuar me nivelin e treguar këtë sezon, si në Serie A ashtu edhe dhe në Ligën e Kampionëve.

Këto paraqitje të tij prej një kampioni kanë bërë që Alisson të bëhet një emër i lakuar shumë për një transferim tek ndonjë skuadër e madhe evropiane.

Lexo po ashtu Real është gati për verë, 300 milionë euro për tre super yje

Një ndër ekipet më të interesuara për shërbimet e portierit të Romës është edhe kampioni në fuqi evropian, Real Madridi.

Sipas mediumit RMC Sport, Los Blancos tashmë e kanë parë Alissonin disa herë përmes skautëve të tyre dhe janë gati të bëjnë një propozim pas përfudnimit të sezonit.

Çmimi i brazilianit është të paktën 70 milionë euro, por interesimi i madh për të mund t’i qoj skuadrat drejt një ankandi.

Lexo po ashtu Reali rivalizon Liverpoolin, gati ofertën për Alissonin

Alisson gjithashtu ka tërhequr interes nga skuadrat angleze, Liverpooli dhe Chelsea, teksa interesim të madh ka shprehur edhe Paris Saint-Germain.

Real Madridi është në kërkim të një portieri të ri që disa kohë, por ofertat e tyre për David De Gean të Manchester United u ndaluan. /Telegrafi/