Reagimi i parë i Joana Sanz pas lajmit se është dëbuar nga shtëpia e Dani Alves

Pas lajmit se Joana Sanz është detyruar të labërgohet nga prona ku ka jetuar me Dani Alves, modelja ka ardhur me një reagim në rrjetet sociale.

Në një publikim në Instagram, ajo e ka bërë të qartë se cilat janë prioritetet e saja në këtë fazë të jetës, ndërkohë që përgatitet që të shkurorëzohet nga futbollisti pas akuzave ndaj tij për përdhunim në një klub nate në Barcelonë që pretendohet të ketë ndodhur në fund të vitit të kaluar.

Në postimin e saj, Joana pohon se motivim kryesor në jetë aktualisht e ka vetveten duke e përshkruar si “punëtore, të pavarur, ambicioze, të zgjuar dhe të bukur”.

Krahas këtyre fjalëve e ka publikuar edhe një video, në të cilën ajo shfaqet duke parakaluar në pistë gjatë punës së saj si modele.

Lexo po ashtu Jeta e Dani Alves po rrënohet: Gruaja e tij u dëbua nga shtëpia derisa ai po qëndron në burg, ndërsa më e keqja akoma nuk ka ardhur

Ky postim vjen menjëherë pas raportimeve nga programi i Telecinco, ‘Fiesta’, ku thuhej se të afërmit e Dani Alves (gjegjësisht, nëna e fëmijëve të tij, Dinora Santana) kanë kërkuar nga Sanz t’i paketonte valixhet pasi ajo nuk nënshkroi një marrëveshje konfidencialiteti.

Në të njëjtën kohë, janë shfaqur raporte që pretendojnë se ajo mund të jetë në lidhje me një biznesmen, mirëpo duket se fokusi i saj tani, të paktën publikisht, është vetvetja. /Telegrafi/