RB Leipzig fiton me rikthim ndaj Bayernit

RB Leipzig ka fituar në shtëpi ndaj Bayern Munichut me rezultat 2-1 në ndeshjen e vlefshme për javën e 27-të të Bundesligas.

Bayern Munich është mposhtur nga RB Leipzig duke përjetuar humbje në kampionatin gjerman pas një kohe të gjatë, ku kishte 12 fitore dhe një barazim.

Pjesa e parë u dominua nga vendasit, por goli i parë i ndeshjes u shënuan nga Bayerni, ku në minutën e 12-të kaluar në epërsi 1-0 pas golit të Sandro Wagner.

Megjithatë, vendasit arritën të kthehen në lojë duke shënuar në minutën e 37-të për 1-1 me anë të mesfushori Naby Keita, i cili i dërgoi në pushim me rezultat të barabartë.

Në pjesën e dytë, Bavarezët ishin më të mirë duke dominuar lojë, por vetëm vendasit shënuan.

Luhej minuta e 56-të e ndeshjes, kur sulmuesi Timo Werner shfrytëzoi për mrekulli një asistim nga Keita dhe kaloi skuadrën e tij në epërsi 2-1.

Ky gol i Wernerit doli të jetë i fitores për Leipzigun, pasi edhe përkundër rasteve të Bayernit shifrat mbeten të pandryshuara dhe vendasit fituan në fund me rezultat 2-1.

Pas kësaj fitore, Leipzigu mbetet në pozitën e gjashtë me 43 pikë, ndërsa Bayerni vazhdon të kryesor renditjen me 66 pikë.

Në takimin e radhës, Bayerni luan në shtëpi ndaj Borussia Dortmundit, ndërsa Leipzigu udhëton te Hannoveri. /Telegrafi/