Kryeministri i Kosovës në detyrë, Ramush Haradinaj ka pasur një takim të rëndësishëm për sportin gjatë ditës së sotme (e premte).
Haradinaj ka shfrytëzuar profilin e tij zyrtar për të njoftuar një takim të mbajtur gjatë ditës së sotme në zyrat e tij.
Kryeministri në detyrë ka treguar se kishte kënaqësinë të takohej me Presidentin e Federatës Evropiane të Ping Pongut (ETTU), Ronald Kramer dhe Kryetarin e Federatës së Pingpongut të Kosovës, Nehat Çitaku.
Postimi pa ndërhyrje i Ramush Haradinajt: Kënaqësi të prisja sot në takim Presidentin e Federatës Europiane të Ping Pongut (ETTU) z. Ronald Kramer dhe Kryetarin e Federatës së Pingpongut të Kosovës, z. Nehat Çitaku dhe të kuptoj për të arriturat dhe sukseset e Federatës sonë në anëtarësimin në ETTU dhe për pjesëmarrjen e tyre në garat ndërkombëtare. Është sukses i madh i federatës sonë, që të bëhet nikoqire e organizimit të Ligës Rajonale të Pingpongut “CONNECT Youth Table Tennis Regional Balkan League" dhe të marrë mbështetjen e Federatës Europiane. Si shumë sfera të jetës, edhe sporti ka kaluar nëpër shumë sfida, por me kohë kemi arritur ta shndërrojmë në një nga prioritetet tona dhe gjithashtu t’i gëzojmë sukseset e shumë sportistëve tanë./Telegrafi/
