Ramos flet për objektivat dhe jetën te Paris Saint-Germain

Sergio Ramos është i vendosur t’i sjellë Paris Saint-Germain titullin e parë të Ligës së Kampionëve.

Ish-mbrojtësi i Real Madrid ka pasur një fillim të vështirë të jetës në Paris, duke luftuar me dëmtimet në pjesën më të madhe që nga transferimi në verë.

Megjithatë, Ramos është rikthyer së fundmi dhe pikërisht në kohën e duhur për t’u përballur me ish-klubin e tij, Real Madridin, në Ligën e Kampionëve muajin e ardhshëm.

Lexo po ashtu 2021: Viti ku gjithçka shkoi keq për Sergio Ramos

Dhe përpara asaj ndeshje, qendërmbrojtësi i ka bërë të qarta synimet e tij – t’i sjellë PSG-së titullin e parë të Ligës së Kampionëve në histori.

Ndërkohë, ai ka pranuar edhe vështirësitë që ka hasur për t’u përshtatur me Parisin, pasi ka bërë lëvizjen pas 16 vitesh në Santiago Bernabeu.

“Isha duke ëndërruar, emocional, i komplikuar edhe sepse kishte shumë vite në Madrid”, ka thënë fillimisht Ramos për faqen zyrtare të PSG-së.

.@SergioRamos ⚡️ pic.twitter.com/cgQI6Mvszo

— Paris Saint-Germain (@PSG_English) January 27, 2022

“Është një projekt unik sportiv, e kam shijuar me familjen time, me vëllain tim në ditët e para”.

“Ne kishim nevojë për kohë për t’u përshtatur, në të gjitha shkollat ​​dhe për të gjetur një shtëpi të re”.

Lexo po ashtu Pochettino para një vendimi të madh për Ramosin para ndeshjes kundër Real Madridit

“Dhe pasi jam optimist dhe më pëlqejnë sfidat. Unë vij për të ndihmuar ekipin dhe për të fituar një tjetër Ligë të Kampionëve”, përfundoi spanjolli.

Ramos ka fituar tashmë katër tituj të Ligës së Kampionëve dhe është ndër lojtarët më të suksesshëm të gjeneratës së tij.

PSG-ja ka shpenzuar shuma të mëdha në kërkim të trofeut të Ligës së Kampionëve, por pa sukses, ndërsa tani do të shpresojnë se Ramos dhe Lionel Messi mund t’ua bëjnë ëndrrën realitet. /Telegrafi/