Ramos flet për fitoren në El Clasico dhe penalltinë e shumëpërfolur

Sergio Ramos ka këmbëngulur se vendimi për t’i dhënë Real Madridit një penallti në Camp Nou ishte i duhuri, ndërsa fitoren në El Clasico ndaj Barcelonës e cilësoi si fitore të shkëlqyeshme për ngritjen e moralit.

Real Madridi ka arritur të mposht Barcelonën me rezultat 1-3 në ndeshjen El Clasico të vlefshme për javën e shtatë në La Liga.

Golat e kësaj ndeshje u shënuan nga Ansu Fati (8’) për vendasit, ndërsa për mysafirët shënuan Federico Valverde (5’), Sergio Ramos (63’) dhe Luka Modric (90’).

Lexo po ashtu Real Madridi fiton me spektakël ndaj Barcelonës në Camp Nou dhe bëhet lider në La Liga

Megjithatë, goli dytë i shënuar nga penalltia u përfol shumë, pasi ndërhyrja e Clement Lenglet ndaj Ramos u cilësua si e lehtë, ndërsa kapiteni i Realit foli për këtë episod dhe fitoren e Mbretërve në El Clasico.

“Mendoj se është një penallti e qartë. Ai më tërhoqi kur unë shkova të godas dhe është e qartë. Është e padrejtë të gjykosh gjyqtarin për një incident që është i qartë”, ka thënë fillimisht Ramos.

“Me rezultatin 2-1, ne vendosëm ta mbanim të shtrënguar pjesën e prapme dhe shfrytëzuam rënien e tyre në moral për të shkuar për rezultatin”.

Lexo po ashtu Eksperti i gjykimit, Andujar Oliver: Tërheqja e Lenglet ndaj Ramos ishte e lehtë, penalltia nuk duhej akorduar

“Një El Clasico ishte një mundësi unike, plus nuk ka rëndësi se si hyni fizikisht në lojë sepse gjithmonë ka një motiv shtesë. Ne duhej të ishim të bashkuar pas një jave të tmerrshme, por nuk ka kohë për të ardhur keq për veten tonë. Gjatë sezonit, ju kaloni vrapime të këqija dhe fatmirësisht kjo zgjati vetëm një javë”.

“Kjo fitore është e shkëlqyeshme për moralin tonë. Ne dinim të mos lejonim që kritikat të na vinin. Jemi të lumtur, por le të vazhdojmë kështu. Të fitosh në shtëpinë e rivalit tënd të përjetshëm është gjithmonë shumë e dobishme”.

Lexo po ashtu Ramos barazon rekordin e Koemanit si mbrojtësi me më shumë gola në histori të El Clasicos

“Kam kaluar 16 vjet këtu dhe një javë krize në Real Madrid janë dy ndeshje. Ato nuk kanë pse të ndryshojnë objektivat tanë. Tani duam të fitojmë tri ndeshjet këtë javë dhe për të dhënë një llogari të mirë të vetes në Ligën e Kampionëve”.

“Ne do të qëndrojmë të vendosur. Nuk duhet të mbajmë gjoksin para, edhe pse kjo fitore ka shije lavdie sepse vjen në stadiumin e rivalëve tanë të përjetshëm”, përfundoi kapiteni i Realit. /Telegrafi/