Qytetarët pastrojnë për herë të dytë liqenin akumulues të Mitrovicës

Disa vullnetarë të qytetit të Mitrovicës u mblodhën sot për herë të dytë për të bërë pastrimin e  liqenit akumulues, të cilin qytetarët e shfrytëzojnë për ecje, argëtim e pushim.

Në këtë aktivitetë morën pjesë diku 30 vullnetarë, të ndarë në dy grupe për të bërë pastrimin e tërësishëm të liqenit Akumulues.

Në një postim të Skuadrës Jeshile, në Mitrovica Guide në rrjetin social Facebook, kanë shkruar se mes tjerash vullnetarët shenjëzuan edhe hapësirat për biçikleta, në mënyrë që të kontribuojnë në mbarëvajtjen e shëtitores.

“Aksioni i dytë me radhë mblodhi një numër të madh të qytetarëve të Mitrovicës. Dy anët e shtratit respektivisht hapësirës gjelbëruese të Liqenit mobilizuan dy grupe të mëdha, rreth tridhjetë pjesëmarrës, me nga dy nëngrupe, për pastrimin e zonave, duke rezultuar në fund me një numër prej 37 qeseve të mbushura me mbeturina dhe jo vetëm. Vullnetarët shenjëzuan hapësirat e destinuara për biçikleta, për t’i kontribuoar mbarëvajtjes së shetitores dhe lehtësuar punën e biçiklistëve. Kjo gjë njëherish përbën kauzë për grupin, ashtu siç shfrytëzojmë biçikeltat për takimet tona, inkurajojmë edhe qytetarët tjerë për përdorimin e tyre, si kontribues të përbashkët për një ambient të pastër.

Kësaj të fundit iu shtuan edhe idetë dhe mesazhet e punuara nga vullnetarët tonë, që bëjnë thirrje për ruajtjen e ambientit, për një frymim më të lirshëm.

Për fund, falenderojmë të gjithë ata që iu përgjigjën aksionti tonë, qytetarët për fjalët e mira, Nexhat Pecin për akulloret dhe pijet freskuese, Bernen per maskat dhe thasët si dhe Astritin për kafet.

Deri në takimin e ardhshëm, ruane ambientin dhe kontribuoni në pastërti. Shihemi në Mitrovica qytet i gjelbër #3 të Shtunen e ardhmshme :). Skuadra jeshile – Mitrovica Guide”, kanë shkruar në statusin e tyre në Facebook. /Telegrafi/