Analistët vlerësojnë se protestat në veri të Kosovës, të cilat të hënën eskaluan në përdorim të dhunës, janë pasojë e veprimeve të njëanshme të Qeverisë së Kosovës.
Sipas analistëve, gjërat mund të shkojnë edhe më keq marrë parasysh sanksionet e vendosura nga Shtetet e Bashkuara të Amerikës, deklaratat e ambasadorit amerikan në Kosovë, Jeffrey Hovenier dhe Sekretarit amerikan të Shtetit, Antony Blinken.
SHBA-ja ka anuluar pjesëmarrjen e Kosovës në stërvitjet “Defender Europe 2023” dhe sipas ambasadorit Hovenier, kjo është pasoja e parë për Qeverinë e Kosovës pasi “ka refuzuar thirrjet e Uashingtonit që të shtensionojë situatën në veri”. Hovenier ka thënë se SHBA-ja po mendon edhe për vendime të tjera që do të marrë në këtë drejtim.
Edhe sekretari Blinken ka qortuar autoritetet e Kosovës, duke thënë se vendimi për të përdorur forcë për të hyrë në ndërtesat komunale në veri ishte marrë “kundër këshillës” së SHBA-së dhe partnerëve evropianë dhe se “po përshkallëzojnë tensionet në veri dhe po shtojnë jostabilitetin”. E kryeministri Albin Kurti një deklaratë të tillë e quajti të padrejtë, të gabuar dhe shumë naive.
E profesori i marrëdhënieve ndërkombëtare, Dritëro Arifi, në një prononcim për Telegrafin tha se veprimet e Kosovës të pakoordinuara me aleatët kanë shkaktuar shumë trazira.
“Normalisht që gjithçka ka qenë e përgatitur nga pala tjetër – ajo serbe. Por, ne gjithmonë po bimë në grackën serbe dhe kjo është një mangësi e madhe e kësaj qeverisje e kësaj elite politike që është në pushtet sepse po mundohet që gjërat çdo herë t’i zgjidhë me forcë të cilën nuk e ka. Kjo është e pakuptimtë se si qeveria e din që nga fuqi dhe bën veprime të tilla”, deklaroi Arifi.
Sipas tij, kjo dëshmon se qeveria nuk po e kupton rolin, gjendjen gjeopolitike të Ballkanit e as situatën çfare mbretëron në botë.
Sa i përket mospajtimeve mes Kurtit dhe Blinken, tha se është fat i keq që u shfaqën në publik.
“Tashmë dihet që SHBA-ja e ka sanksionuar Kosovën dhe kjo dëshmon pikërisht atë papjekurinë, joseriozitetin dhe naivitetin e Kurtit sidomos në këtë rast karshi SHBA-së dhe sekretarit Blinken. Në momentin që një kryeministër bën deklarata publike të fuqishme kundër sekretarit të shtetit atëherë normalisht që gjërat do të vijojnë edhe më keq”.
“Nuk është vetëm kjo. Veprimi i Kosovës pa koordinim me SHBA-në po vërehet që e ka lënduar edhe më shumë SHBA-në se sa fjalimi i Kurtit në një medium”, u shpreh tutje Arifi.
Veprimet e fundit të ekzekutivit shqetësuese i cilësoi edhe njohësi tjetër i marrëdhënieve ndërkombëtare, Emir Abrashi.
“Edhe pse ato po bëhen për arsye legjitime siç është instalimi i kryetarëve të zgjedhur në zgjedhjet lokale, ato po bëhen në një formë të papranueshme për aleatët ndërkombëtarë dhe pa koordinim me këta të fundit”, tha ai për Telegrafin.
Abrashi theksoi se kryetarët e zgjedhur në veri kanë fituar me vetëm 3.5 për qind të votave dhe rrjedhimisht hasin në rezistencë nga popullata me shumicë serbe, ndaj sipas tij për ta bërë instalimin e tyre në pozitat të cilat i kanë marrë nevojitet që të gjendet një zgjidhje e ndërmjetme me ndihmën e aleatëve.
“Qeveria e Kosovës i ka ndërmarr veprimet në mënyrë të njëanshme dhe për rrjedhojë përgjigja që e ka marrë nga aleatët është shumë shqetësuese. Asnjëherë më parë Kosova nuk ka marrë mesazhe kaq kërcënuese nga aleatët e vet dhe padyshim se mesazhi më i rëndë ishte ai i sekretarit amerikan Blinken, i cili tha se këto veprime të Kosovës do të ketë pasoja për raportet bilaterale me SHBA-në”, tha ai.
“Pra, nuk tha se mund të ketë, por do të ketë dhe kjo u vërejt edhe me vendimin e djeshëm për përjashtimin e Kosovës si dhe u vërejt nga mesazhet e ambasadorit Hovenier që dha për mediat e Kosovës, ku tregoi se SBBA nuk ka interesim për ta përkrahur Kosovën për anëtarësim në organizata ndërkombëtare. Po ashtu u bë e qartë se zyrtarët e Kosovës nuk janë të mirëpritur për vizita në SHBA si dhe nuk do të ketë vizita të zyrtarëve të lartë amerikanë në Kosovë”.
Abrashi mes tjerash tha se në mënyrë automatike dhe të menjëhershme Kosova duhet që t’i tërheqë forcat e veta policore nga veriu dhe ta stabilizojë gjendjen
“Ajo që është e rëndësishme në këtë fazë është që të punohet për sanimin e dëmit dhe të shpresojmë që dëmi do të jetë i riparueshëm anipse mesazhet që janë dhënë nga aleatët tregojnë se problemet janë shumë të mëdha”, përfundoi ai.
Ndryshe, serbët në veri kanë filluar protestën të premten (26 maj). Protestuesit me maska e edhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve e punëtorëve medialë.
Ata kanë hedhur gjësende të ndryshme në drejtim të paqeruajtësve, derisa kanë dëmtuar vetura të mediave, duke e djegur tërësisht veturën e një televizioni.
Si pasojë e protestave të dhunshme, janë plagosur 30 ushtarë të KFOR-it – tre prej tyre janë lënduar si pasojë e përdorimit të armëve të zjarrit. /Telegrafi/
Promo
Reklamo këtuLufta Prigozhin - Putin
Më shumëFSK-ja shkoi në veri të vendit për një varrim, Maqedonci u zotua te KFOR-i se nuk kishte provokim
Vrasja e dyfishtë në Vushtrri, ekspertja thotë se i akuzuari nuk ka vepruar në gjendje të tronditjes së fortë mendore
"Përzierje në kompetenca të rezervuara të NATO-s", ish-ushtaraku flet për mosdërgimn e FSK-së në veri
Analistët: Roli i diasporës në këto zgjedhje po merret më seriozisht nga partitë politike
Pasaporta e Shqipërisë renditet e 43-ta në botë, shqiptarët mund të udhëtojnë në 123 vende të botës pa viza
Babai i viktimës në Shkodër: Do ta kërkoj vetë autorin, do ta laj me gjak nëse nuk ndërhyhet
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Elon Musk nuk është fans i Liverpoolit, por i rivalit të tyre më të madh në Ligën Premier
Trump paralajmëron 'pushtimin' e Grenlandës, vjen reagimi i kryeministrit të ishullit
Zarf i zi në Big Brother VIP Albania 4
Përmasa gjigante: Granit Xhaka në mbështetje të Gjestit
FSK-ja shkoi në veri të vendit për një varrim, Maqedonci u zotua te KFOR-i se nuk kishte provokim
Rina publikon fotografi krah Feros: Akoma s’ka konkurrencë, 2025