Qeveria: Mickoski dhe Filipçe nesër takim në Qeveri

Kryeministri Hristian Mickoski dhe lideri i LSDM-së opozitare, Venko Filipçe nesër në orën 14:00 do të kenë takim në Qeveri.

“Në pajtim me komunikimin publik dhe nismat dhe gatishmërinë e demonstruar nga të dy anët, për nesër në orën 14 është caktuar takim mes kryeminsitrit Hristian Mickoski dhe kryetarit të LSDM-së, Venko Filipçe, theksojnë nga Qeveria.

Në deklaratë për mediumet në Shtip, Mickoski tregoi gatishmëri për takim me Filipçen, i cili sot bëri thirrje për dialog politik dhe shoqëror.

Filipçe në konferencë prë shtyp tha se pas tragjedisë në Koçan qytetarët reaguan me revoltë dhe mllef, sistemi nuk funksionon siç duhet, ndërsa për atë faj kanë, siç tha, kanë të gjitha partitë politike. Sferat ku duhet qasje sistematike, sipas Filipçes, janë  – arsimi, jurisprudenca, mjedisi jetësor, partizimi dhe politizimi.

Kryeministri Mickoski, ndërkaq, tha se kjo është temë serioze për të cilën bisedohet. “Nëse ka plan siç paralajmëruan, jam i gatshëm ta pranoj në takim kryetarin e LSDM-së ta arsyetojë planin, ta dëgjijmë planin sepse janë kohë serioze, unë jam njeri serioz, gjëra serioze janë në pyetje dhe e pakta që duhet të bëhet është estradë në skenë publike. Nëse me të vërtetë ka plan dhe dëshirë të ndihmohet, qëndroj në dispozicion në çdo kohë do tarisistemoj orarin tim, në mesnatë në mesnatë, pas mesnate, kur të thotë atëherë do ta dëgjoj planin e tij dhe të shoh nëse në atë plan mund të zgjidhet diçka. Por, nëse plani përfshin qasje “Stabri”, siç ishte në të kaluarën gjatë koronës atëherë plane të tilla nuk mund të pranoj”, deklaroi Mickoski.