Qeveria e Maqedonisë: Gjoba dhe burg për ata që bojkotojnë regjistrimin

Zëdhënësi i Qeverisë së Maqedonisë së Veriut, Dushko Arsovski sot në konferencë për shtyp tha se nuk përjashtohen masat e reja, nëse numri i të infektuarave rritet.

Ai tha se më e rëndësishme është të mos ketë mungesa të shtretërve në spitale, në të kundërt do të merren masa të menjëhershme.

Arsovski foli edhe për procesin e regjistrimit të popullsisë, ndërsa tha se janë të sigurt se me këtë operacion statistikor nuk do të rritet numri i të infektuarve.

Ai përsëriti edhe njëherë se bojkoti i regjistrimit është vepër penale, për të cilën ka edhe përgjegjësi.

“Thirrja dhe bojkoti i regjistrimit është vepër penale, ajo është njësoj sikur rezistencë dhe pa dëgjueshmëri ndaj ligjeve dhe organeve shtetërore, me çrrastë parashikohen dënime në të holla ose burg deri në 3 vjet për atë që bënë thirrje për bojkot”, tha Arsovski.

Ndryshe, nga Komisioni i Sëmundjeve Infektive ende nuk ka propozime për masa shtesë, por nëse do të ketë Qeveria nuk do të hezitojë t’i analizojë ato dhe të vendosë./Telegrafi/