Mbretëresha Elizabeta ka takuar dhe përshëndetur një total prej 12 presidentësh amerikanë që kur u ngjit në fron 68 vjet më parë.
Sipas mediave britanike, përcjell Telegrafi, gjatë kësaj kohe, Mbretëresha - e cila është monarku më i gjatë në moshën 93 vjeçare - ka udhëtuar në SHBA dhe ka mirëpritur një numër presidentësh në shtëpinë e saj në Buckingham Palace.
Ajo ka kërcyer me Gerald Ford në Shtëpinë e Bardhë, ka kalëruar me kuaj me Ronald Reagan në Kështjellën Windsor dhe ka qenë dëshmitare e lojës së saj të parë Major League Baseball me George H.W. Bush.
Në sundimin e saj, Mbretëresha i ka takuar të gjithë, përveç një udhëheqësi amerikan. Ajo kurrë pati një takim me Lyndon B Johnson, i cili erdhi në pushtet në vitin 1963 pas vrasjes së John F. Kennedy.
Dhe ndërsa Mbretëresha Elizabeta përgatitet të presë presidentin e tanishëm Donald Trump të hënën për herë të dytë gjatë presidencës së tij, mediat britanike kanë hedhur një vështrim në takimet e saj me paraardhësit e tij. /Telegrafi/
