Publikohet traileri zyrtar i filmit “Queenpins” në të cilin do të luajë Bebe Rexha

Këngëtarja shqiptare me famë ndërkombëtare, Bebe Rexha, po korrë suksese të mëdha në muzikë.

Krahas kësaj, ajo tashmë prej muajsh ka njoftuar se do të bëjë debutimin si aktore në filmin e ri të titulluar “Queenpins”.

Krijuesja e shumë hiteve së fundmi ka shpërndarë në rrjetet sociale trailerin e filmit, në të cilin po ashtu shfaqet në një pjesë me flokë të zeza e me një pamje krejtësisht tjetër.

Artistja me prejardhje nga Dibra ka thënë se ndihet e entuziasmuar me filmin në të cilin ajo luan përkrah aktorëve të famshëm të Hollywood-it si: Vince Vaugn e Kristen Bell.

Lexo po ashtu Dua Lipa do të jetë pjesë e filmit të ri “Argylle” të Matthew Vaughn

“Jam e entuziasmuar të shpërndajë debutimin tim në filmin Queenpins, përkrah Kristen Bell, KirbyHowell-Baptiste, Paul Walter Hauser, dhe Vince Vaughn. Filmi është drejtuar dhe shkruar nga Aron Gaudet dhe Gita Paullapilly”, ka shkruar Bebe.

View this post on Instagram

A post shared by Bebe Rexha (@beberexha)

Filmi ndërkaq parashihet të shfaqet premierë në kinema në shtator të këtij viti.

Edhe artistja tjetër Dua Lipa njoftoi sot se do jetë pjesë e filmit triler “Argylle” të realizuar nga Matthew Vaughn. /Telegrafi/