Prokuroria Themelore në Shkup ka nisur procedura parahetimore për vepër penale të larjes së parave e dënueshme me Kodin Penal, përcjell Telegrafi Maqedoni.
Zyrtarisht bëhet e ditur se deri te kjo procedurë ka ardhur pas shkrimeve të publikuara në media në lidhje me deklaratën e ish-ministrit të punëve të jashtme serbe, Vuk Jeremiq për larje parash të funksionarëve të lartë shtetëror të Maqedonisë, përmes Serbisë.
Në një debat televiziv, Jeremiq përmend emrin e ish-shefit të DSK-së Sasho Mijallkov për larje parashë drejt të ashtuquajturave ''ishuj parajse tatimore''. Megjithatë, deklarimet e Jeremiq u mohuan nga OBRM-PDUKM-ja./Telegrafi/
