Trajneri i Arsenalit, Mikel Arteta i është përgjigjur pyetjeve rreth një transferimi të mundshëm të Kylian Mbappe në Emirates.
Mbappe thuhet se ka informuar Paris Saint-Germain se do të largohet nga gjigantët francezë si transferim i lirë në fund të sezonit 2023/24.
Real Madridi besohet se është afër nënshkrimit të sulmuesit 25-vjeçar, por me yllin francez janë lidhur edhe klube tjera si Barcelona, Liverpooli dhe Arsenali.
Për një transferim të mundshëm të Mbappes në Emirates është pyetur edhe trajneri Arteta, i cili do ta priste me krahë të hapur.
“Kylian Mbappe në Arsenal? Pse jo?”, u përgjigj fillimisht Arteta në konferencë.
“Nëse duam të jemi skuadra më e mirë, do të kemi nevojë për talentët më të mirë dhe lojtarët më të mirë”.
“Unë nuk jam i përfshirë. Ndoshta Edu dhe pronarët janë, nuk jam në ato biseda deri në fazën e fundit”, përfundoi trajneri i Arsenalit. /Telegrafi/
