Prokuroria do të inspektojë nëse ka pasur parregullsi të përgjimeve gjatë transferimit nga DSK në Agjencinë e re

Pas dyerve të mbyllura Komisioni për Mbikëqyrjen e zbatimit të masave të ndjekjeve të komunikimit vendosi të informojë Prokurorinë Publike se të gjitha urdhrat e përgjimeve nuk ishin përfunduar pas përfundimit të punës së Drejtorisë për Siguri dhe Kundërzbulim.

“Komisioni në mënyrë unanime konkludoi të informojë Prokurorinë Publike pa paragjykuar nëse ka pasur ose jo, ndërhyrje të paligjshme gjatë ndërprerjes së urdhrave të ndjekjes së komunikimeve me përfundimin e punës së DSK-së dhe rikthimin në punës në periudhën kur filloi me punë ASK. Duke pasur parasysh që gjatë inspektimit nuk na janë dhënë urdhrat e inspektimit, disa nga materialet u prezantuan sot në vetë seancë. Komisioni ka vlerësuar se duhet të informojë Prokurorinë Publike për rastin”, tha kryetari i Komisionit Kuvendar për mbikëqyrjen e zbatimit të masave të ndjekjes së komunikimeve, Emil Dimitriev.

Komisioni Kuvendar, pika e parë në rendin e ditës së cilës ishte raporti për mbikëqyrjen e punës së ASK-së, mori pjesë edhe drejtori i ASK-së Viktor Dimovski.

“Disa urdhra mbarojnë, të tjerët fillojnë, kështu që nuk ka një numër konstant. Parimi i punës është i njëjtë, teknika e punës është e njëjtë nga DSK me të ASK-së”, tha Dimovski.