Programi për kantautorët e rinj të talentuar në Kosovë, Dua: U mahnita plotësisht nga talenti dhe produktiviteti

Fondacioni SunnyHill është bashkuar me Akademinë e kantautorëve në Suedi, Musikmakarna, për krijimin e një program të ri për kantautorët e rinj të talentuar në Kosovë. Kështu ka bërë të ditur Dua Lipa përmes një postimi në rrjetet sociale.

Këngëtarja me famë botërore, e cila po qëndron në vendin tonë si pjesë e Festivalit Sunny Hill, e ka vizituar studion për t’i ndjekur nga afër talentët e rinj dhe është mahnitur me ta.

“Fondacioni SunnyHill është bashkuar me Musikmakarna, akademinë e kantautorëve në Suedi për të krijuar një program të ri për kantautorët e rinj të talentuar në Kosovë”.

View this post on Instagram

A post shared by DUA LIPA (@dualipa)

“Shkova në studio sot (e diel) për të parë se çfarë kanë bërë ata dhe u mahnita plotësisht nga talenti dhe produktiviteti i seancave brenda vetëm disa ditësh nga fillimi”.

Lexo po ashtu Kurti e vlerëson të pamatshëm kontributin e Dua Lipës për Kosovën

“U ndjeva vërtet e frymëzuar dhe jam shumë e emocionuar që ne vazhdojmë të punojmë së bashku për të parë këtë program të rritet në diçka vërtet të bukur”, ka shkruar Dua në postimin e saj. /Telegrafi/