Priftërinjtë serbë në Mal të Zi kënduan “kur ushtria kthehet në Kosovë”, vijnë reagimet e ashpra nga Kosova

Në ceremoninë e shugurimit të Mitropolitit të Kishës Ortodokse Serbe në Mal të Zi, Joanikije priftërinjtë kënduan një këngë, në tekstin e së cilës thuhej edhe “kur ushtria kthehet në Kosovë”.

Në një situatë të tensionuar në Cetinje, policia po përdorte gaz lotsjellës para manastirit ndaj qytetarëve që po protestonin paqësisht.

Lidhur me këtë kanë ardhur edhe reagimet nga politikanët e Kosovës.

Lexo po ashtu Gjatë shugurimit të Joanikije në Mal të Zi u këndua edhe “kur ushtria kthehet në Kosovë”

Ish-ministri i Punëve të Jashtme të Kosovës, Enver Hoxhaj me një shkrim në Twitter ka thënë se, kjo këngë është bërë nga Rusia dhe se është interpretuar nga përfaqësuesit e tyre në Mal të Zi.

“Forcat më të errëta të fashizmit, të udhëhequra nga Kisha Serbe po kthehen në Malin e Zi! Kënga për kthimin e ushtrisë serbe u bë nga Rusia dhe u interpretua nga përfaqësuesit e tyre në vend”, ka reaguar Hoxhaj.

The darkest forces of fascism, led by the Serbian Church are returning to #Montenegro! The song about the return of the serbian army was made by #Russia & interpreted by their proxies in the country!https://t.co/jlcz1zgyst

— Enver Hoxhaj (@Enver_Hoxhaj) September 5, 2021

Kurse, ish-udhëheqësja e Grupit Negociator, Edita Tahiri ka thënë se Serbia po synon destabilizimin e vendeve fqinje dhe se presidenti Aleksandar Vuçiq po merr pjesë në agjendën hegjemoniste të ndërtuar nga Slobodan Millosheviq.

“Nuk ka fund ndërhyrja e Serbisë në vendet fqinje. Akti i sotshëm i agresionit në Mal të Zi përmes Kishës Ortodokse Serbe në Cetinje, në kryeqytetin e Kishës Ortodokse Malazeze, synon destabilizimin. Aleksandar Vuçiq po merr merr pjesë në agjendën hegjemoniste të Millosheviqit”, ka shkruar Tahiri në Twitter.

No end to #Serbia' meddling in neighboring countries. The act of aggression today in #Montenegro through #Serbian Orthodox Church in Cetinje in the capital of Montenegrin Othodox Church, aims at dangerous destabilization. @avucic attends Milosevic's hegemonic agenda.

— Edita Tahiri (@EditaTahiri) September 5, 2021

Sipas Veton Surroit, të bekuar janë edhe robokopët, sipas versionit të Kishës Ortodokse Serbe.

Trazirat në Cetinje për shkak të fronëzimit të Mitropolitit po vazhdojnë që nga dje, dhe ato vazhduan herët në mëngjes.

Blessed be the Robocops!
( A Serbian Orthodox Church version of the Beatitudes) pic.twitter.com/vIDB1wlgUs

— VetonSurroi (@VSurroi) September 5, 2021

Ndërkohë qytetarët vazhduan të protestojnë edhe pse kurorëzimi kishte mbaruar.

Duhet kujtuar se organizatat dhe shoqatat kombëtare malazeze, pothuajse e gjithë opozita dhe Komuna e Cetinje kërkuan nga Kisha Ortodokse Serbe që të zhvendoste fronëzimin e Mitropolitit në disa tempuj në qytete të tjera malazeze.

https://twitter.com/didileja/status/1434416286507929601

Kjo pasi që, për ta, akti i kurorëzimit të tij në manastirin e Cetinjes është një aluzion i “pushtimit të Malit të Zi”, si dhe një përpjekje për të futur Malin e Zi në të ashtuquajturën “botë serbe”. /Telegrafi/