Presidenti i rinisë Avdullah Hasani në konferencën botërore të rinisë në Australi

Presidenti i Rinisë Evropiane të Kosovës Avdullah Hasani, dhe zëvendësit e tij Arlind Jushinca e Orhan Ejupi, do të marrin pjesë në Konferencën Botërore të Rinisë, e cila do të mbahet në Canberra të Federatës së Australisë.

Me këtë rast të rinjtë nga Kosova, do të kenë mundësinë e ngritjes së bashkëpunimit bilateral me të rinj të vendeve tjera. Kjo konferencë ndërkombëtare organizohet me qëllim të ngritjes së bashkëpunimit të të rinjve nga vende të ndryshme të botës. Atje do të mund të shkëmbejnë përvoja nga lëmi i Integrimeve, sigurisë publike ,qytetarisë aktive, zhvillimit të demokracisë si dhe rritjes së bashkëpunimit mesë gjeneratave.

Lideri i rinisë Evropiane të Kosovës, Avdullah Hasani, thotë se të rinjtë e Kosovës, tani kanë filluar që të trajtohen sikurse të rinjtë e vendeve tjera demokratike në botë, si dhe të jenë pjesë e lëvizjeve të njëjta me bashkëmoshatarët tanë në botë. “Të rinjtë dhe studentët e Kosovës, më parë nuk janë ftuar në të gjitha samitet për të rinj, për shkak të statusit të Kosovës.

Të rinjtë e Kosovës tani marrin pjesë në të gjitha nismat dhe konferencat e te rinjve, kudo që organizohen ato, pasi tani ftohen si të rinjtë e të gjitha vendeve të tjera”, ka deklaruar Hasani.