Presidenti i Barcelonës, Laporta flet për situatën e Piques dhe zbulon të ardhmen e lojtarit

Presidenti i Barcelonës, Joan Laporta këmbëngul se Gerard Pique ka mbështetjen e tyre të plotë dhe do të luajë edhe sezonin e ardhshëm.

Flitet se Laporta i ka kërkuar Piques të largohet nga klubi për shkak të publicitetit që po qarkullon rreth tij pas ndarjes së tij nga Shakira dhe aktiviteteve të tjera jashtë fushës.

Por në asamblenë e klubit, Laporta konfirmoi të ardhmen e mbrojtësit spanjoll në Camp Nou, teksa janë gati ta ndihmojnë pas ndodhive të fundit.

Lexo po ashtu Shakira po merr gjithnjë e më shumë mbështetje dhe popullaritet që nga ndarja me Pique

“Pique po vuan. Aq sa e imagjinojmë, ne kemi në imagjinatën tonë lojtarë me famë, para dhe gjithçka që na pëlqen, por ata janë njerëz dhe Pique është një person i madh. Ai është një nga kapitenët, ai është me fat, dhe ai na ka dhënë shumë dhe ai duhet të na japë shumë”, ka thënë fillimisht Laporta.

“Ai ka zgjedhur të vazhdojë të jetë një futbollist profesionist. Kishte mundësinë e të qenit biznesmen ose futbollist dhe ka zgjedhur futbollist. Dhe ka kaluar një rrethanë aspak të këndshme, me fëmijë në moshë shumë të re dhe Pique meriton vlerësimin dhe dashurinë e katalunasve”.

"Pique is suffering. Regardless of how much money and fame you can have, they [footballers] are people. He is a captain and he still has much to give. Gerard is committed."

Joan Laporta on Gerard Pique. pic.twitter.com/KCTOd1bPdD

— Football España (@footballespana_) June 16, 2022

“Mos u kushtoni vëmendje lajmeve që përpiqen ta bëjnë atë të duket si një njeri joserioz, pa ndjenja dhe që nuk i intereson asgjë”.

“Unë jam me fat që e njoh dhe e kam trajtuar si një person. Ai është një person i jashtëzakonshëm që vuan. Dhe ne duhet ta ndihmojmë. Do të jem i pari që do t’i jap dashurinë që meriton”, përfundoi i pari mi Barcelonës. /Telegrafi/