Politikanët në Maqedoni urojnë festën e Bogorodicës

Politikanët dhe paritë politike në Maqedoni kanë uruar festën e Bogorodicës e cila festohet nga besimtarët ortodoksë në vend. Mesazhi kryesor i tyre është që të mbretërojë dashuria dhe paqa në gjitha familjet, njofton Telegrafi Maqedoni.

Më poshtë i keni mesazhet e disa politikanëve dhe partive politike me rastin e festës së Bogorodicës:

Talat Xhaferi:

“Ftoj të gjithë së bashku, të angazhohemi për një të ardhme më të mirë, përmes respektit dhe mirëkuptimit të ndërsjellë, duke i dëshiruar të gjithë ortodoksëve të Maqedoni që këtë festë ta kalojnë me shëndet, lumturi dhe paqe”.

Aleksandar Kiracovski:

“Në emër të LSDM-së dhe në emrin tim personal ju uroj të gjithëve festën e sotme. Në këtë momente dërgoj mesazhe tek të gjithë për angazhim, përkushtim dhe vlera të përbashkëta. Të jemi modest dhe krenar dhe të angazhohemi për vlera të përbashkëta që sjellin paqe”.

Nikolla Gruevski:

“Në emrin tim personal dhe të OBRM-PDUKM, anëtarëve të kishës ortodokse si dhe të gjithë besimtarëve ortodoks në Maqedoni dhe diasporë j’ua uroj festën e Bogorodicës dhe ju dëshiroj shëndet, qetësi, lumturi, paqe dhe mirëkuptim në çdo shtëpi dhe familje”.

Zoran Zaev:

“Kjo është një nga festat më të mëdha krishtere ku na ngjan që të jemi në kishat tona dhe me popullin tonë të ndajmë vlera të përbashkëta krishtere. Ndarja e vlerave krishtere do të thotë se jemi njerëz të mirë, të cilët duam të ndihmohemi mes vete dhe të shpresojmë për të ardhme më të mirë”.

OBRM-PDUKM:

“Deputetët e OBRM-PDUKM-së dhe koalicionit “Për Maqedoni më të mirë” qytetarëve të Maqedonisë të besimit ortodoks ju urojnë festën e madhe të Bogorodicës. Sot është dita kur duhet të kujtojmë dashurinë, durimin paqen dhe qetësinë”./Telegrafi/