Policia në kërkim të një personi në Ferizaj, kërkon ndihmë nga qytetarët për arrestimin e tij

Policia në Ferizaj ka kërkuar ndihmë nga qytetarët për arrestimin e një personi.

Në njoftim thuhet se, Drejtoria Rajonale e Policisë në Ferizaj, në bazë të autorizimit nga Prokuroria Themelore në Ferizaj për publikimin e fotografive të personave në kërkim, lëshon kërkesë për bashkëpunim me qytetarët me qëllim identifikimin, vendndodhjen dhe kapjen e personit të dyshuar mashkull, i cili dyshohet se me datën 06.07.2024 në rrugën ” Gursel e Bajram Sylejmani” në Ferizaj, në një market me dashje ka vu në qarkullim( ka bërë pagesë) me një kartëmonedhë në vlerë të caktuar, të dyshuar e falsifikuar.

Deri më tani i dyshuari i kësaj ngjarje nuk është identifikuar dhe policia rajonale e Ferizajt kërkon bashkëpunim nga qytetarët, që kushdo që ka ndonjë informacion rreth identitetit të tij, të lajmërojnë stacionin më të afërt të policisë, apo përmes aplikacionit digjital ‘’Lajmëro Policinë ‘’ dhe në numrat kujdetarë : 192 ,0290/326-250 & 0290/322-406

Të dhënat e juaja do të ruhen në konidencialitet të plotë. /Telegrafi/