Policia do ta rrisë prezencën në veri të Kosovës

Policia e Kosovës ka paralajmëruar se do ta rrisë prezencën e saj në pjesën veriore të vendit, me qëllim të arritjes së objektivave.

Policia thotë prioritet i tyre është ofrimi i sigurisë për të gjithë qytetarët, andaj duke vlerësuar situatën dhe rrjedhat aktuale në komunat veriore, “ditëve në vijim do të rris prezencën në veri me qëllim të arritjes së objektivave të policisë”.

Ruajtja e rendit publik, garantimi i sigurisë, mbrojtja e jetës dhe pronës për të gjithë qytetarët pa dallim, janë ndër objektivat kryesore të Policisë së Kosovës, shkruan më tutje në njoftim.

“Policia e Kosovës në vazhdimësi përcjellë dhe analizon zhvillimet në vend, duke bërë vlerësime profesionale në bazë të të cilave ndërmerr masa të nevojshme, të arsyeshme dhe të ligjshme për zbatimin e ligjit dhe vendimeve të autoriteteve shtetërore të Kosovës”, njoftoi policia, transmeton Telegrafi.

Ndryshe, ditëve të fundit në komunat veriore të Kosovës ka pasur disa shpërthime të shok bombave, por gjendja aktualisht është e qetë dhe stabile.

Theksojmë se zgjedhjet lokale në Zubin Potok, Leposaviq, Mitrovicën e Veriut dhe Zveçan pas largimit të kryetarëve të këtyre komunave dhe largimit të serbëve prej disa institucioneve të Kosovës. /Telegrafi/