Pogba vjen me një postim emocionues pasi iu ndalua futbolli për katër vite: Sprovat që të dërgon Allahu janë të pashmangshme

Gjendja e Paul Pogbas duket e rënduar, pasi mesfushori francez nuk do të mund të luaj në katër vitet e ardhshme.

Në fund të shkurtit, Paul Pogba u skualifikua katër vjet për përdorim të substancave të ndaluara, pra deri në vitin 2027, duke pasur parasysh se skualifikimi filloi në vitin gushtin e vitit 2023.

Kanë kaluar disa javë nga sanksioni i vendosur nga Gjykata Kombëtare e Antidopingut që e pezulloi për përdorimin e substancave të ndaluara, por Paul Pogba rikthehet të flasë me rastin e ditëlindjes së tij.

Lexo po ashtu Pogba thyen heshtjen pas ndalimit prej katër vitesh për doping

Ylli francez ka thënë se kurrë nuk është rritur më shumë se këtë vit, duke iu referuar gjërave që i kanë ndodhur.

“Kurrë nuk kam mësuar dhe nuk jam rritur kaq shumë sa këtë vit”.

Pogba më pas foli për prova të pashmangshme, duke përmendur çështjen e besimit.

View this post on Instagram

A post shared by Paul Labile Pogba (@paulpogba)

“Sprovat që dërgon Allahu janë të pashmangshme dhe është e lehtë të shikosh vetëm të këqijat, por çfarëdo që të ndodhë, falënderimi i qoftë Zotit”.

“Falënderimi qoftë i Zotit për të mirat, të këqijat, kohët e vështira dhe kohët e lehtësisë”, ka shkruar Pogba në profilin e tij në Instagram. /Telegrafi/