Pogba konfirmon se ka refuzuar një ofertë nga Rusia – dëshiron Ligën e Kampionëve

Paul Pogba ka konfirmuar se ai ka refuzuar një ofertë nga Rusia, pasi që synimi i tij është rikthimi në Ligën e Kampionëve. 

Ish-fituesi i Kupës së Botës me Francën mori një dënim prej katër vitesh pasi përdorimit të dopingut. Ky dënim eventualisht u zbut në 18 muaj pas apelimit, por 31-vjeçarit iu ndërpre kontrata nga Juventusi. 

Pogba do të jetë i lirë që ta vazhdojë karrierën e tij që nga marsi i këtij viti dhe tashmë është lidhur me një sërë klubesh. 

Transferimi i tij në Superligën e Arabisë, MLS dhe Ligue 1 është përmendur shumë, por tashmë ai ka zbuluar se ka marrë një ofertë ambicioze nga Rusia. 

Lexo po ashtu Top 12 kontratat më të mëdha në histori të futbollit

“Ka oferta, pastaj ka disa gjëra interesante dhe jo shuëm gjëra interesante. Russia, ka pasur një ofertë, por ky nuk është qëllimi im, kam qëllime të tjera”. 

“Një klub që luan në Ligën e Kampionëve? Pse jo. Nëse vjen, natyrisht, pse jo. Ne gjithmonë duam klubet më të mira”. 

“Pas kësaj nuk varet nga unë, varet edhe nga shumë gjëra të tjera”, ka thënë Pogba. 

Para ca kohës, ish-reprezentuesi francez ishte lidhur me një kalim tek Marseille, atje ku do të ribashkohej me Mason Greenwood me të cilin kishte luajtur së bashku tek Manchester United. 

Gjiganti francez duket në rrugën e duhur për ta siguruar kualifikimin në Ligën e Kampionëve për sezonin 2025/2026, diçka që mund t’i ndihmojë kauzës së Pogbas./Telegrafi/