‘Pogba është i mbivlerësuar dhe vetjak’

Ish-sulmuesi i Anglisë, Robbie Fowler ka nisur një sulm të ashpër mbi objektivin e Manchester United, Paul Pogba, duke pretenduar se çmimi prej 100 milionë funteve është shumë për 23-vjeçarin.

Sipas Robbie Fowler, Paul Pogba është ‘shumë i mbivlerësuar’ dhe ka qenë një lojtar mesatar në Kampionatin Evropian, teksa deklaron që shuma prej 100 milionë funteve është shumë për të, pasi është një ‘lojtar egoist’, që nuk ka shënuar shumë gola.

“Ndjekja e Paul Pogba nga Manchester United është një rast për t’i treguar dhëmbët e tyre … sepse ata munden”, deklaroi Folwler për Mirror.

“100 milionë funte? Hajde! Më vjen keq, por Pogba është shumë i mbivlerësuar. Shikoni, ai duhet të jetë një lojtar i mirë për shkak se kaq shumë njerëz në lojë flasin për cilësitë e tij dhe ju nuk mund të jeni në maje në Itali pa pasur talent”

“Unë thjesht nuk e shoh atë. Ai me të vërtetë u dallua në Evropë, por sigurisht jo në këtë Kampionat Evropian. Ai është ‘OK’, pasi ka kundërshtar mjaft të kufizuar për Francën, por çfarë bën ai? Sjell energji dhe vrapim te mesfusha, por kështu bën edhe N’Golo Kante”

“Ai është i aftë, por egoist dhe nuk ka shumë gola, kjo për mua është një problem themelor në qoftë se ju mendoni t’i shpenzoni 100 milionë funte në të”, përfundoi legjenda angleze e futbollit. /Telegrafi/