Pjanic: Me Ronaldon, Juve do të përpiqet të fitojë gjithçka

Miralem Pjanic thotë se Juventusi mund të presë shumë nga Cristiano Ronaldo, ndërkohë që dëshiron të fitojë gjithçka në sezonin e ri.

Zonja Vjetër e transferoi portugezin nga Real Madridi me një shumë rekorde për futbollin italian, ndërsa mesfushori boshnjak beson se 33-vjeçari do të vazhdojë të thyejë rekorde golashënuese dhe të fitojë trofe të Ligës së Kampionëve me Bianconerët.

Cristiano Ronaldo will officially debut for Juventus against Chievo on the 19th of August. pic.twitter.com/7SU3GFoj24

— Transfer News (@TransfersLlVE) July 28, 2018

“Jemi të kënaqur që ai është këtu. U uroj shumë mirëseardhje”, ka thënë Pjanic për ESPN.

Lexo po ashtu Lajmet për Juventus

“Brenda disa ditësh, ai do të nisë stërvitjet parasezonale dhe natyrisht se mendoj që Juve ka bërë një transferim të madh dhe skuadra është e kënaqur, ai është i kënaqur, dhe mendoj se do të vazhdojë ta bëjë atë që ka bërë në të kaluarën, çfarë ka bërë te Unitedi dhe Real Madridit”.

“Ka fituar shumë tituj. Ka bërë gjëra të mëdha dhe mendoj se do të vazhdojë ta bëjë të njëjtën gjë. Është një lojtar i shkëlqyer dhe mendoj se mund t’i ndihmojë shumë klubit të ri. Ai do t’i japë shumë Juventusit”.

“E dimë se Liga e Kampionëve është shumë e vështirë. Duhet të luash ndaj klubeve, si Barcelona, që është shumë vështirë t’i përballosh, Real Madridi, Bayerni, Parisi, prandaj janë shumë klube që mund ta fitojnë Ligën e Kampionëve”.

“Duhet të jesh në formë. Duhet të luash mirë dhe të meritosh të jesh në finale. Nuk është lehtë, por mendoj se skuadra është e mirë. Të shohim se çfarë do të ndodhë”.

“Natyrisht se skuadra do të përpiqet të fitojë gjithçka. Por, asnjëherë nuk është lehtë”, ka deklaruar mesfushori i Juves. /Telegrafi/