Pitbulli sulmoi shtatëvjeçaren në një rrugë në Argjentinë – u deshën disa persona për ta shpëtuar

Një vajzë shtatëvjeçare u sulmua brutalisht dhe u kafshua nga një pitbull agresiv që nuk kishte veshur “mbrojtëse fytyre” në një rrugë në Buenos Aires, Argjentinë.

Sipas mediave të huaja, përcjell Telegrafi, Jazmin, shtatë vjeçe, ishte duke qëndruar në një rrugë në Buenos Aires me nënën e saj më 26 shtator kur një pitbull i lirë u sul drejt saj.

Pamjet e tmerrshme të kamerave të sigurisë tregojnë nënën që mban fëmijën e saj ndërsa qeni agresiv refuzon të lëshojë këmbën e Jazmin.

Vajza e re bie në dysheme ndërsa qeni mbërthen një nga këmbët e saj me dhëmbë, pavarësisht përpjekjeve të nënës së saj për ta liruar.

Ndërkohë një burrë nxiton në ndihmë të tyre, por duket se po përpiqet të shkelmojë qenin ndërsa Jazmin lufton kundër tij.

Pas tij, edhe disa të tjerë vërshojnë kur kuptojnë se çfarë po ndodh, me një person që dëshpërimisht përpiqet ta tërheqë qenin prapa.

Por qeni i mbrapshtë refuzon të lirojë vajzën ndërsa këmba e saj mbetet fort e fiksuar në nofullën e kafshës.

Qeni thuhet se shkaktoi një frakturë të ekspozuar në njërën nga këmbët e vajzës, por ndërhyrja e shpejtë kirurgjikale bëri që ajo të mos e humbte këmbën. /Telegrafi/